बारा– बाराको कलैया उपमहानगरपालिका १७ सुराही स्थित रहेको ट्याक्टर राख्ने फुसको ग्यारेजमा बुधवार राती आगलागी भएको छ ।
स्थानीय आवास अन्सारीको ग्यारेजमा अचानक भएको आगलागीमा परी फुसको ग्यारेजको छानो, ग्यारज भित्र राखिएको ना ६ त ४०१३ नम्बरको ट्याक्टरको हुट, दुई वटा साईकलको आन्सिक रुपमा जलेको जिल्ला प्रहरी कार्यालय बाराले जनाएको छ ।
आगलागीमा करीब ७० हजार रुपैयाँ भन्दा बढीको क्षति भएको र मानवीय तथा चौपाया क्षति नभएको प्रहरीले जनाएको छ ।
आगलागी कसरी भएको खुल्न नसकेको र घटनाबारे थप अनुसन्धान भईरहेको प्रहरीले जनाएको छ । आगलागीलाई छिमेकी तथा परिवारको सहयोगमा नियन्त्रणमा लिईएको प्रहरीले जनाएको छ
