बारा– स्थानीय तहमा मौलाएको भ्रष्टाचारलाई नियन्त्रण गर्न र दोषीलाई कारवाहीको माग गर्दै विवेकशील साझा पार्टी बाराले बिहिवार कलैयामा प्रदर्शन गरेको छ ।
विवेकशील पार्टी बाराका नेता डा. सुशील साहको नेतृत्वमा भ्रष्टाचार विरुद्ध चर्का नारावाजी गर्दै प्रदर्शन गरिएको हो ।
प्रदर्शनपछि भरतचोकमा आयोजित कोण सभालाई सम्बोधन गर्दै नेता साहले विकास निर्माणको नाममा व्यापक रुपले अनियमितता भईरहेको बताए ।
कलैया उपमहानगरपालिकाका प्राविधिक (ईन्जिनियर)ले कमिशनको लोभमा कमशल कामलाई गुणस्तरिय प्रमाणित गर्ने गरेको उनले आरोप लगाए । सडक ढलान, भवन निर्माण, नाला निर्माण लगायतका कामको मुल्यांकन गर्न प्रविधिकले कमिशन लिने गरेको उनले आरोप लगाए ।
