दोषीलाई कारवाहीको माग गर्दै बारामा प्रर्दशन

गढी न्यूज
गढी न्यूज पाठक संख्या - 609
1 मि. पढ्न लाग्ने समय

बारा– दोषीलाई कारवाहीको माग गर्दै शुक्रवार कलैयामा पीडित पक्षले विरोध प्रदर्शन गरेको छ ।

कलैया भरतचोकमा उनीहरुले प्रहरी प्रशासन विरुद्ध चर्का नारावाजी गर्दै दोषीलाई कानुनी कारवाही गर्न माग गरेका हुन ।

बाराको कलैया उपमहानगरपालिका २५ ईनरवारी दुई पक्षबीच झडप हुदा ८ जना घाईते भएका थिए ।

झडपमा परी राधेश्यम पटेल, सुमन कलवार, बोलबम केशरी, जितलाल पंडित सहित ८ जना घाईते भएको जिल्ला प्रहरी कार्यालय बाराका प्रवक्ता गौतम मिश्रले जानकारी दिए ।

घाईते मध्ये राधेश्यामको अवस्था गम्भीर रहेको र उनको वीरगंजको न्युरो अस्पतालमा उपचार भईरहेको उनले जानकारी दिए ।

घटनामा संलग्न रहेको आरोपमा एक स्थानीयलाई नियन्त्रणमा लिईएको र घटनाबारे थप अनुसन्धान भईरहेको प्रहरीले जनाएको छ ।

ईनवारीमा भएको झडपमा संलग्न दोषीलाई कानुनी कारवाही गरिने बाराका प्रमुख जिल्ला अधिकारी कृष्ण बहादुर कटुवालले बताए ।

घटनाबारे थप अनुसन्धान भईरहेको र घटनामा संलग्न मध्ये एक जनालाई नियन्त्रणमा लिईएको उनले जनाए ।

झडपले उत्पन्न असहज स्थितीलाई नियन्त्रणमा लिईएको र घटनालाई साम्य पार्ने प्रयास भईरहेको उनले बताए ।

यसैगरी दोषीलाई कारवाहीको माग गर्दै पीडित पक्षले कलैया–बीरगंज सडक खण्डको सिसहनिया चोकमा टायर बालेर केहीबेर सडक अवरुद्ध गरेका थिए ।

ट्याग्स : , ,
यो लेख शेयर गर्नुहोस