बारा– प्रहरीले बाराको जितपुर सिमरा उपमहानगरपालिका ७ बाट १८ सय थान प्रतिबन्धित ईन्जेक्शन सहित २ जना भारतियलाई शनिवार पक्राउ गरेको छ ।
ईलाका प्रहरी कार्यालय जितपुरबाट खटिएको प्रहरी टोलीले भारत बिहार पुर्वी चम्पारण मोतिहारी सिसुवा बस्ने २९ वर्षिय मुन्ना कुमार र सोही ठाउ बस्ने ३५ वर्षिय मुनीलाल कुमारलाई ६/
६ सय पिस डाईजेपाम, फेनार्गन, नुफिन गरी १८ सय पिस प्रतिबन्धित औषधी सहित नियन्त्रणमा लिएको हो ।
बीरगंजबाट काठमाण्डौं हिडेको ना ६ ख ६३७७ को बसमा सवार दुबै जना भारतिय युवकले डस्ना भित्र लुकाई राखेको प्रतिबन्धित औषधी प्रहरीले चेकजाचको क्रममा फेला पारेको जिल्ला प्रहरी कार्यालय बाराका प्रवक्ता एवम डिएसपी गौतम मिश्रले जानकारी दिए ।
डस्नामा प्रतिवन्धित औषधी लुकाई छिपाई लग्दै गरेको अवस्थामा उनीहरुलाई विशेष सुचनाको आधारमा नियन्त्रणमा लिईएको उनले जानकारी दिए ।
उनीहरुलाई प्रहरी हिरासतमा राखी लागु औषध मुद्दामा थप अनुसन्धान भईरहेको डिएसपी मिश्रले जानकारी दिए ।
