सिरहा— सिरहा नगरपालिका वडा नं ८ बाट आइतबार एक मनी ट्रान्सफरका सञ्चालक लुटिएका छन् । सिरहाबाट विष्णुपुर गाउँपालिका तर्फ मनी ट्रान्सफरको १५ लाख रुपैयाँ लिएर जाँदै गरेका शिव मनी ट्रान्सफरका सञ्चालक कुशेश्वर यादव लुटिएका हुन् ।
भारतीय नम्बर प्लेटको मोटरसाइकलमा आएका दुई जनाले यादवलाई रोकेर पेस्तोल देखाई उनीसँग भएको रकम लुटी महिसाउथा तर्फ भागेको जिल्ला प्रहरी कार्यालय सिरहाले जनाएको छ ।
लुटपाट गर्ने हतियारधारी समुहको खोजी कार्य सुरु गरिएको र घटनाबारे थप अनुसन्धान समेत सुरु गरिएको जिल्ला प्रहरी कार्यालय सिरहाका प्रवक्ता डीएसपी मुक्तिनाथ सापकोटाले जानकारी दिए । पछिल्लो समय मधेश प्रदेशका जिल्लामा लुटपाटको घटना बढेको छ ।
