बारा– बीरगंज–कलैया सडक खण्ड अन्र्तगत बाराको फेटा गाउपालिका १ भलुहीमा बुधवार राती भएको मोटरसाईकल दुर्घटनामा एक युवकको ज्यान गएको छ ।
बीरगंजबाट कलैया तर्फ आउदै गरेको प्र.०२–०३–०१७ प ७९५० नम्बरको मोटरसाईकल अनियन्त्रित भई पल्टिदा मोटरसाईकल चालक कलैया उपमहानगरपालिका २३ बैराठपुर बस्ने २३ वर्षिय श्रीभगवान पटेलको मृत्यु भएको जिल्ला प्रहरी कार्यालय बाराका प्रवक्ता डिएसपी दधीराम न्यौपानेले जानकारी दिए ।
दुर्घटनामा गम्भिर घाईते भएका पटेललाई उपचारको लागी कलैया अस्पताल लैजाने क्रममा मृत्यु भएको प्रहरीले जनाएको छ । मृतकको शव परिक्षणको लागी कलैया अस्पतालमा राखिएको र घटनाबारे थप अनुसन्धान भईरहेको प्रहरीले जनाएको छ ।
बारामा माेटरसाईकल दुर्घटनामा पटेलकाे मृत्यु
यो लेख शेयर गर्नुहोस
