वीरगन्जस्थित बालसुधार गृहमा झडप प्रहरी सहित १४ जना घाइते

गढी न्यूज
गढी न्यूज पाठक संख्या - 409
1 मि. पढ्न लाग्ने समय

बीरगन्ज– वीरगन्जस्थित बाल सुधार गृहमा मंगलवार राती झडप भएको छ । बाल सुधार गृहमा मंगलवार राती दुई पक्षबीच झडप हुँदा ३ प्रहरी र ११ जना कैदी बन्दी सहित १४ जना घाईते भएका छन ।

बिहान स्थिति सामान्य भए पनि सुरक्षा सतर्कता कडा बनाएको जिल्ला प्रहरी कार्यालय पर्साका प्रमुख प्रहरी उपरीक्षक कोमल साहले जानकारी दिए ।

उक्त बालसुधार गृहमा काठमाण्डौं भक्तपुरबाट ल्याईएका कैदी बन्दी सहित एक सय ४९ जना कैदी बन्दी रहेको उनले जानकारी दिए । उनका अनुसार केही समयअघि भक्तपुर बाल सुधार गृहमा झडप भएपछि केही कैदी बन्दी वीरगन्ज स्थानान्तरण गरिएको थियो ।

भक्तपुरबाट आएका कैदी बन्दी र पहिला देखि वीरगन्जमै रहेका केदीबन्दीबीच पटक पटक झडप र विवाद हुने गरेको जनाईएको छ ।

भक्तपुरबाट आएका कैदीहरूले त्यहाँका नाइकेमाथि आक्रमण गर्नुका साथै बाल सुधार गृहमा समेत तोडफोड र प्रहरीमाथि पनि ढुंगामुढा प्रहार गरेको प्रहरीले जनाएको छ ।

घाइतेहरूको स्थानीय नारायणी अस्पतालमा उपचार भइरहेको प्रहरीले जनाएको छ ।

ट्याग्स : , , ,
यो लेख शेयर गर्नुहोस