बारा– अवैध रुपमा खरीद गरी भण्डारण गरिएको १४ सय ७० लिटर पाम आयल सहित दुई जनालाई बुधवार प्रहरीले बाराको जितपुर सिमरा उपमहानगरपालिका २२ बाट नियन्त्रणमा लिएको छ ।
गोप्य सुचनाको आधारमा ईलाका प्रहरी कार्यालय सिमराबाट खटिएको टोलीले अवैध रुपले भण्डारण गरिएको पाम आयल सहित हेटौडा उपमहानगरपालिका १५ भंगेरी बस्ने २४ वर्षिय सुरेन बल र जितपुर सिमरा उपमहानगरपालिका २२ बस्ने २७ वर्षिय मनिष उप्रेतीलाई पक्राउ गरेको हो ।
स्थानीय आले ढिडो एण्ड खाजा घर समेतमा लुकाई राखिएको अवस्थामा १४ सय ७० लिटर पाम आयल, २ सय लिटर डिजेल, तेल निकाल्न प्रयोग गरिने पाईप र सोही पसल नजिकै पार्किङ गरी राखिएको पाम आयाल बोकेको प्रदेश २–०३००१ ख ४५४२ नम्बरको टेंङकर समेत बारामद गरिएको प्रहरीले जनाएको छ ।
उनीहरुलाई बरामदी सवारी तथा पाम आयल सहित नियन्त्रण लिईएको र घटनाबारे थप अनुसन्धान सुरु गरिएको प्रहरीले जनाएको छ ।
