१२ किलो लागु औषध गाँजा सहित एक पक्राउ

गढी न्यूज
गढी न्यूज पाठक संख्या - 257
1 मि. पढ्न लाग्ने समय

बारा– लागु औषध गाँजा ओसारपोसार गरीरहेको अवस्थामा प्रहरीले बाराको निजगढ स्थित राजमार्गबाट बुधवार १२ किलो गाँजा सहित एक जनालाई पक्राउ गरेको छ ।

विशेष सुचनाको आधारमा खटिएको प्रहरी टोलीले पुर्व पश्चिम राजमार्ग अन्र्तगत निजगढ नगरपालिका ८ तामागढीबाट लागु औषध गाँजा सहित निजगढ नगरपालिका ३ सिंगौल बस्ने ४५ वर्षिय अर्जुन कुमार तामाङलाई नियन्त्रणमा लिएको हो ।

हेटौडाबाट महोतरीको लागी छुटेको ना ७ ख ६४६० नम्बरको यात्रुवाहक बसमा यात्रारत तामाङ कालो रंगको जेब्रा झोलामा गाँजा लुकाईसंगै राखेको अवस्थामा पक्राउ परेको जिल्ला प्रहरी कार्यालय बाराका प्रवक्ता डिएसपी पुरुषोतम प्रसाद पाण्डेले जानकारी दिए ।

यात्रुवाहक बसलाई छाडिएको र गाजा सहित पक्राउ परेका तामाङलाई ईलाका प्रहरी कार्यालय निजगढको हिरासतमा राखी लागु औषध मुद्दामा थप अनुसन्धान सुरु गरिएको प्रहरीले जनाएको छ ।

पछिल्लो समय लागु औषध ओसारपोसार र सेवनको घटनामा अत्याधिक वृद्धी भएको प्रहरी अनुसन्धानले देखाएको छ ।

यो लेख शेयर गर्नुहोस