उपनिर्वाचनका उम्मेदवार माथि उजुरी दिने समय आज

गढी न्यूज
गढी न्यूज पाठक संख्या - 934
1 मि. पढ्न लाग्ने समय

बारा–निर्वाचन आयोगले आगामी वैशाख १० गते हुने उपनिर्वाचनका लागि उम्मेदवारी दर्ता गराएका उम्मेदवारहरु विरुद्ध मंगलवार उजुरी दिने समय सिमा निर्धारण गरेको छ ।

आयोगले सार्वजनिक गरेको निर्वाचन कार्यतालिका अनुसार सोमबार उम्मेदवारी दिएका उम्मेदवारहरु विरुद्ध उजुरी दिनका लागि आजलाई समय तोकिएको हो ।

चितवन–२, तनहुँ–१ र बारा–२ मा आगामी वैशाख १० गते हुन गइरहेको उपनिर्वाचनका लागि उम्मेदवारी दर्ता गरेका उम्मेदवार प्रति चित्त नबुझेमा उजुरी दिन सकिने र उजुरी उपर चैत २२ गते छानबिन गरी सोही दिन उम्मेदवारको अन्तिम नामावली प्रकाशन गर्ने आयोगले सार्वजनिक गरेको निर्वाचन कार्यतालिकामा उल्लेख छ ।

उम्मेदवारी फिर्ता लिन इच्छुकका लागि चैत २३ गते बिहान ९ बजे देखि दिउँसो १ बजेसम्मको समय तोकिएको छ । आगामी बैशाख १० गते बिहान ७ बजे देखि साँझ ५ बजेसम्म उपनिर्वाचनका लागि मतदान गराउने निर्वाचन आयोगले तयारी गरिएको जनाएको छ ।

ट्याग्स : , , , ,
यो लेख शेयर गर्नुहोस