बारा– लागु औषध मुद्दामा फरार रहेका एक अभियुक्तलाई प्रहरीले सिम्रौनगढ नगरपालिका ६ पावरहाउस चोकबाट पक्राउ गरेको ।
लागु औषध मुद्दामा अदालतबाट एक वर्ष कैद र ५ हजार रुपैयाँ जरिवाना लागेर लुकिछपी बस्दै आएका सिम्रौनगढ नगरपालिका १० टेटाका ४० वर्षिय जगरनाथ यादवलाई नियन्त्रणमा लिईएको जिल्ला प्रहरी कार्यालय बाराका प्रवक्ता डिएसपी गौतम मिश्रले जानकारी दिए ।
ईलाका प्रहरी कार्यालय सिम्रौनगढबाट खटिएको टोलीले यादवलाई नियन्त्रणमा लिएको उनले जानकारी दिए । यादवलाई बारा जिल्ला अदातको आदेश अनुसार कैद भुक्तान गर्न बीरगंज कारागार पठाईएको प्रहरीले जनाएको छ ।
