गढी न्यूज
गढी न्यूज पाठक संख्या - 880
3 मि. पढ्न लाग्ने समय

बारा–नेपाल सरकारले घर घरमा सिहदरबारको अवधारण ल्यायो । त्यही अवधारणा अनुरुप अहिले जनताले सेवा सुविधा पाउने गरेका छन् । उनीहरुको घर घरमा सेवा पुग्ने गरी यो अवधारणा सरकारले ल्याएको हो ।

तर त्यही अवधारणालाई मध्ये नजर गरी पायेक पर्ने ठाउँको कार्यालय भन्दा अपायेक पर्ने ठाउँमा सारिएकोमा महागढीमाई नगरपालिका वडा नम्बर ९ का स्थानीयहरुले चरणवद्ध विरोध गर्दै आएका छन ।

उनीहरुले आफूहरुलाई पायेक भन्दा अपायक ठाउँमा नापी तथा मालपोत सेवा केन्द्र सारेर सरकारले दुःख दिने गरेको आरोप लगाए ।

महागढीमाई नगरपालिका वडा नम्बर ९ का स्थानीयहरुले यो भन्दा अगाडी भूमिसुधार तथा मालपोत कार्यालय र जिल्ला प्रशासन कार्यालयमा समेत आफनो माँग सम्बोधन गर्न गराउन ज्ञापन पत्र बुझाइसकेका छन ।

पूर्व निर्धारित कार्यक्रम अनुसार नै उनीहरुले जिल्ला प्रशासन कार्यालय अगाडी धर्ना दिएका छन ।

हाम्रो माँगलाई सरकारले वेवास्ता गरेको छ, धर्ना तथा विरोध कार्यक्रमका संयोजक एवं महागढीमाई नगरपालिका वडा नम्बर ९ का वडाध्यक्ष दिलिप शुक्लाले भने,‘जायज माँग सम्बोधनमा समेत सरकारले ढिलासुस्ती गरेको छ ।

पायेक पर्ने ठाउँ भन्दा अपायेक पर्ने ठाउँमा सेवा केन्द्र सारी साविक गाउँ विकास समिति पिप्राविर्ता हाल महागढीमाई नगरपालिका वडा नम्बर ९ का जनताहरुलाई दुःख दिन खोजिएको हो ।

हाम्रो माँगलाई सम्बोधन गर्न गराउन जिल्ला प्रशासन कार्यालय बाराले ३ दिनको समय लिएपनि अहिलेसम्म हामीलाई पायेक पर्ने कलैयामा हाम्रो वडाको कामकाज यथावत गराउन कुनै पहल गरिएको देखिएन । जसको कारण आफूहरु आन्दोलित हुनु परेको उनले बताए ।’

हामी पूर्व निर्धारित कार्यक्रम अनुसार २१ गते विरोध प्रदर्शन र २२ गते भूमिसुधार तथा मालपोत कार्यालयको कामकाज ठप्प पार्ने योजना रहेको वडाध्यक्ष शुक्लाले जानकारी दिए ।

हामीले कलैयाबाट भुमिसुधार तथा मालपोत र नापी शाखाबाट प्रवाह हुने सेवा सहज रुपमा पाउँदै आएका थियौ बारा नागरिक समाजका अध्यक्ष उमेशलाल दासले भने, ‘हामीलाई कलैया नै पायेक पर्छ ।

हाम्रो अर्को कुनै माँग छैन । जनताको जायज माँगलाई समेत सम्बोधन गर्न सरकार ढिलाई गरेको अवस्था छ । आफनो कामकाज छोडेर आन्दोलन गर्नु हाम्रो शौख होइन बाध्यता हो । यो आन्दोलनको जिम्मेवार अरु कोही होइन स्वयं सरकार नै हो ।

हामीलाई पायेक भन्दा अपायेक ठाउँमा सेवा कार्यालय सारेर आन्दोलन गर्न बाध्य पारिएको छ । जनताको सजिलै पहुँच हुने ठाउँबाट सेवा पाउनु पर्ने उनीहरुको अधिकार हो ।

तर सरकारले संविधानले प्रदत्त गरेको अधिकारबाट नै जनतालाई वन्चित गर्ने काम गरेको यसले पुष्टि गरेको उनले जानकारी दिए ।’ आन्दोलनकारीहरुले कलैया बीरगंज सडकखण्ड केही बेर अवरुद्ध गरी आन्दोलन गरेका थिए ।

एकातिर गर्मीको मौसम त्यसमा पनि सयौको संख्यामा गाउँका मानिसहरु धर्ना दिन सदरमुकाम कलैया पुगेका थिए ।

यसैगरि देवताल गाउँपालिकाले समेत भूमिसुधार तथा मालपोत कार्यालय कलैयाबाट नै सेवा सुविधा लिने र यसै कार्यालयबाट हामीलाई पायेक पर्ने भनि भदौ १४ गते पत्र जारी गरेको छ ।

ट्याग्स : , , ,
यो लेख शेयर गर्नुहोस