रौतहट– रौतहटको गरुडा नगरपालिका ३ मलाहीमा चट्याङ लागेर एउटै टोलका तीन जना महिलाको मंगलवार बिहान एकैसाथ मृत्यु भएपछि पुरै गाउ शोकमा डुबेकको छ ।
गाउ नजिकैको धान खेत गोडमेल गरीरहेको अवस्थामा बिहान करीब ८ बजे चट्याङ लागेर तीनै जनाको एकै साथ मृत्यु भएको हो ।
मृत्यु भएकाहरु मध्ये दुई जना महिला एउटै परिवारको सदस्य भएको ईलाका प्रहरी कार्यालय गरुडाका प्रमुख डिएसपी रुपेश कुमार सिंहले जानकारी दिए ।
चट्याङ लागेर मृत्यु हुनेहरुमा मलाही गाउँकै ३९ बर्षिया सुदनिया देवी, ७० बर्षिया जगिया देवी र १८ बर्षिया मनिषा कुमारी रहेको डिएसपी सिंहले जानकारी दिए ।
मृतक मध्ये सुदनिया र जगिया एउटै परिवारको रहेको रउनले बताए । चट्याङ लागेर एउटै गाउँको एकैपटक तिन जनाको मृत्यु हुंदा सिंगो मलाही गाउँ शोकमा डुबेको छ ।
उनीहरुसंगै खेतमा काम गरीरहेकी ४० वर्षिया शैली देवी सहित केही महिला सामान्य घाइते भएको तथा एकदर्जन भन्दा बढी महिला चट्याङको आवाजबाट प्रभावित भएको उनले बताए ।
अहिले पनि चट्याङको विष्फोटक आवाजलाई स्मरण गर्दै महिला तथा बालबालिकाहरु तर्सिरहेको स्थानीयले बताएका छन ।
घटनारे सुचना पाएलगतै गरुडा नगरपालिकाका मेयर कन्थमणी जयसवाल सहितको जनप्रतिनिधी तथा कर्मचारीको टोली घटना स्थल र पीडित परिवारमा पुगेका थिए ।
उनले पीडित परिवारलाई सान्तवना दिदै घाईतेहरुको स्वास्थ्यलाभ र मृतकहरु प्रति संवेदना प्रकट गरेका थिए ।
चट्याङ लागेर विछिप्त बनेका महिला तथा बालबालिकाहरुको पनि मेयर जयसवालले स्वास्थ्य लाभको कामना गरेको उनीसंगै रहेका गरुडा नगरपालिकाका प्रमुख प्रशासकिय अधिकृत रामबाबु यादवले जानकारी दिए ।
सोही क्रममा मेयर जयसवालले पीडित परिवारलाई सक्दो सहयोग गर्ने प्रतिबद्धता समेत जनाएको यादवले जानारी दिए ।
एउटै टोलका तीन जना महिलाको मृत्यु भएपछि पुरै गाउ नै अहिले शोकमा डुबेको र पीडित परिवार तथा तीनका आफन्त भावविहल गरीरहेका छन ।
