बारा– बाराको कलैया उपमहानगरपालिका १३ पिपडारी स्थित गहँु खेतमा बेवारिशे अवस्थामा एक पुरुषको शव फेला परेको छ ।
काटेको गहुँ खेतमा अन्दाजी ५०/५२ वर्ष उमेर भएको नाम, थर, वतन नखुलेको पुरुषको शव शुक्रवार साझ फेला परेको जिल्ला प्रहरी कार्यालय बाराका प्रवक्ता डिएसपी राजेश थापाले जानकारी दिए ।
गहुँ खेतमा शव देखेर स्थानीय वासिन्दाले प्रहरीलाई खबर गरेपछि साझ करीब साढे ६ बजे घटनास्थलमा प्रहरी टोली पुगेको थियो ।
मृतकको शव कलैया अस्पतालमा राखिएको र उनको पहिचान खुलाउने प्रयास भईरहेको प्रहरीले जनाएको छ ।
ती पुरुषको मृत्युको कारण पता लगाउन अनुसन्धान सुरु गरिएको डिएसपी थापाले जानकारी दिए ।
